الناس كرهتك بسبب تصرفاتك.. إعلامي يوجه رسالة للفنان محمد رمضان
![محمد رمضان](https://www.dblomasy.com/img/24/07/11/922764_W.jpg)
![](https://www.dblomasy.com/ix/GfX/logo.png)
هاجم الإعلامي محمد موسى، بلهجة حادة، الفنان محمد رمضان، بعد واقعة تشاجره مع أحد الشباب وصفعه في الساحل الشمالي، فيما رد الأخير الصفعة للفنان.
وقال موسى ببرنامجه "خط أحمر" الذي يقدمه على شاشة "الحدث اليوم"، "كل التحية للشاب اللي أخد حقه وقتي، وردّ القلم بقلم، مردفًا: وعايز أقوله أبوك راجل لأنك مسبتش حقك وادّيت الكل درس ميتنسيش".
وأكمل الإعلامي محمد موسى: هو الأخ محمد رمضان فاكر نفسه إيه عشان يضرب مواطن بالقلم! هي دي النجومية يا نمبر؟ هي النجومية إنك تضرب الناس ولّا محدّش قالّك قبل كده يعني ايه نجومية، معقبًا: للأسف أنا قلت قبل كده قبل ما تصنعوا أبطال من ورق علموهم أدبيات النجومية وأصولها.
وأضاف موسى في رسالة وجّهها لرمضان قائلًا: "الناس فعلاً كرهتك بسبب تصرفاتك غير المقبولة من وقت للتاني، ودليل كلامي شوف إيرادات شغلك بقت عاملة ازاي وتدنت ازاي والمنتجين بقوا يخافوا يشغلوك، وحتى لو تصالحت مع الشاب ازاي هتتصالح مع الجمهور اللي كل يوم بتعمل تصرف يخليك تخسره؟ مختتمًا: يا رب الرسالة تكون وصلت.