كشفت جنة عليوة، لاعبة منتخب مصر للدراجات، تفاصيل الأزمة الأخيرة، بعد تعمد زميلتها شهد سعيد، إسقاطها ضمن سباق الجمهورية.

اتجاه لاستبعاد شهد سعيد من المشاركة في أولمبياد باريس 2024

وقالت جنة عليوة، خلال تصريحات تلفزيونية: شهد كانت بتشتمني أنا وأختي في السباق وأنا بعلي السرعة فى آخر السباق مسكتني ووقعتني، وكل عربية ورانا كان فيها حكم وكتبوا تقرير انها كانت متعمدة، وبالتالي أخدت إيقاف سنة محليا وغرامة، وأنا عملت عملية بسب كسر أخد شريحة و7 مسامير.

وتابعت: شهد سعيد عمرها ما كسبت سباق محلي في مصر، وفيه تحقيق ليا أنا ومدربي، عشان عاملين إجراء غير قانونى وهو محضر لشهد.

بدوره، قال رئيس الاتحاد المصرى للدراجات وجيه عزام: الموضوع له شقين فى أوقات كتير جدا بيكون فيه احتكاك بين اللاعبين وبنفترض فى كده العمد وبيحصل تحقيق، ووزير الرياضة داخل فى هذا الموضوع بقوة معانا ومتفاهمين، والنهاردة بيتم إعادة النظر فى سفر شهد سعيد من عدمه، والأميل انها مش هتسافر أولمبياد باريس 2024 لكن رسميا القرار هيكون قرار دولة.

من جهته، قال ياسر إدريس، رئيس اللجنة الأولمبية المصرية: هناخد قرار فى موضوع سفر شهد من عدمه يوم الأحد المقبل.. والقرار يتوقف على الإجراءات القانونية التى سنتخذها.. شهد لو عوقبت ستقضى عقوبتها وستعود مرة أخرى للعب.. شهد يفترض أنها تأخذ عقاب على قدر الواقعة.. أنا لما أديها سنة وغرامة يبقى أثبت إدانة.. احنا مسئولين عن البلد والرياضة والبطولة.. طالما أخذت سنة فهذه عقوبة قاسية ومعناها أنها مدانة.. كان لازم اتحاد الدرجات يحسم هذا الموضوع من شهر أبريل.